我真係好鍾意返工

28-3-2020 ❨六❩

唔知點解呢排好冇心機記低d 野， 成個人行屍走肉。 不過都係keep 住悲觀既心情， 積極既行動面對工作。

話說早兩星期調左去第二個地點返工，雖然可以離開一個19 到爆既經理，但係新地點又有另一個同事揾到新工resign 早幾日走埋， 得返我同一個唔係好識用電腦既同事， workload 重左唔少， 而且受氣程度只係短短2 星期已經同恒指跌既程度一樣，不過係反向x2, 俾人X 到謝晒皮。 仲要久唔久俾人send email 黎插， cc 晒俾全世界。

你估我唔想企起身插返Director 你咩， 你問我點做， 我話咁咁咁做， 你X, 你問咁即係點， 我話sorry,  你X, 好啦， 我唔出聲， 又話出warning, 又話叫我教你點做， 唯有都係唔出聲。

我諗係香港工作奴隸上， 我唔係獨行， 大家都有自己既枷鎖， 為口奔馳，為家庭，為將來好d既生活。

我認我膚淺，為左你我再忍下，就係
錢： 任時光匆匆流去 我只在乎你

Freedom

25-3-2020 ❨三❩

Dear Freedom,

Without your love, I can do nothing. With your love, there is nothing I cannot do!

同事今日遞信

31-01-2020 ❨五❩

講左咁耐， 同事拎完花紅，過年後終於都辭職。 這邊廂恭喜佢有份更好pay 既工，那邊廂又為自己擔心， 黎緊既壓力都將會越來越大， 感覺都係做得一日得一日。

現時最大既問題係有筆債黎緊7月先還完， 另外就係老人痴呆既老豆同照顧佢既阿媽。 兩佬開支都唔係少野， 係而家咁既環境毅然辭職真係好大機會迫自己入困境。

反覆思量， 最理想係揾份part time 朝早至下午3 點左右， 以呢份人工作生活基本使費開支。 其他時間就認真投入自己想創立既野， 咁樣好似行得通。

我都係諗唔通， 好多野都係要靠自己， 皆因自己行動力唔夠定係俾自己枷鎖困住左， 自己都想俾一兩年時間自己，如果唔得，就返轉頭再做呢份19 工。

不過，目前為止， 我都係覺得俾到兩佬冇經濟壓力下生活， 呢個係首要責任。

唯有再諗多d 計畫多d 先。

Kobe Legend

27-1-2020 ❨一❩

不得不說你一出道真係好鍾意你， 但慢慢我又唔鍾意你， 因為你令我最鍾意既球員T-Mac,  Iverson,  Nash... 佢地都做左配角。

每日凌晨4 點練波， 有幾多人可以咁做， 為左令自己更強， 亦都係你呢份曼巴精神令其他球星唔夠你打。

If you are afraid of fail,  you probably going to fail. - Kobe Bryant

2020 農曆新年

25-01-2020 ❨六❩

今年希望屋企人身體健康， 平安幸福。 其他都唔太重要， 只想生活簡簡單單， 清清淡淡咁過。

我願榮光歸香港！