賣身既工-外傭

3-7-2019 (三) 豪雨

除左食環外判既清潔工， 我覺得外傭真係香港真慘既工之一， 印尼同菲律賓藉係最多，只講外傭工種， 唔講其他。

打一份工要離鄉別井， 離開自己老公仔女， 去照顧人地既仔女。 就算係放假最多都係約d 同鄉揾d 地方鋪地坐一日， 傾下計，佢地都係幫助香港打工一族，等d 打工仔可以全力貢獻呢個資本社會。

我都試過離開香港打工一年， 其實好多時你去外地玩當然覺得正， 去打工就係另一回事， 根本唔可以咁比。

外傭基本上係用佢地條命賺錢養全家， 老公包2 奶， 仔女疏離， 仲要睇住人地d 仔女， 果種心理矛盾唔係我地可以了解。

其實香港人使自錢請人就當然有返咁上下要求， 我有個師叔話有d 人要請個24小時全天候照顧屋企既傭工， 所有假日既錢佢都照計返。 結果真係有人去做， 佢係全條命賣左俾果家人。 講到尾都係為左屋企人， 佢地願意為左屋企無私付出。

每逢星期日都會見到佢地， 總覺得有一份我見猶憐既感覺。