新助理困擾

27-9-2019 ❨五❩

工作上遇到麻煩友就係整定架啦， 黎左新環境4 個月， 即係都對左呢個新助理4 個月， 我擔心佢d 問題都浮緊上面，都幾煩下。

基本上呢位女士， 30幾， 轉行做呢份工， 好有熱誠， 對自己有唔知邊到黎既自信。 好有信心自己好快會做到經理， 俾幾年時間超越我對上既高級主任。

佢對上份工係係d lab 入面做test,  基本上就係對住d chemicals,  唔使點對人， 而做既野都係10 年如一日 唔會點有變化。 問題黎啦， 基本上我教佢做既文件野佢真係冇咩問題， 但係一叫佢安排人做野或者同人夾既工作時， 100%都會佢自己返office 發脾氣， 再唔係就係同佢夾既人投訴佢。

最大原因係呢位姐仔佢完全唔識世故呢樣野，唔識尊重人， 對任何人都係命令式對待， 包括總經理佢都發脾氣， 之後梗係由我執手尾。

我同級既同事話佢有信心教好佢， 點知唔夠一個星期就投降， 交返個波俾我。

而家feel 到呢個姐仔做呢份本身要同勁多人夾野既工作， 要全世界都就佢， 我諗應該係佢做佢老豆老母既女呢份工先岩佢。

自己下屬竟然係一個炸彈。。。