期指第一日

 14-8-2020 ❨五❩

終於入左錢去試吓買賣期指， 由細期開始熟習下操作先。

今朝百忙抽身用電話一開二， HK50 恒指k 圖同埋證券行app 買賣恒指， on99 一開始本身係要買跌， 但係買左升， 第一次搞錯左， 開頭過左幾分鐘唔到覺， 但係一發現左即刻平倉， 好在賺10 零點， 驚驚青青咁再等佢跌到有signal 再賣出一張買入一張， 貶下眼賺左700 幾蚊， 但係係之後賣出一張， 睇唔到signal 平倉， 個人好亂， 但係竟然有急走止蝕， 差d 輸到喊， 升到上一個山位先平倉。

休息左陣之後再買多一張平倉同賣出一張平倉， 最後賺$843 蚊， 本身朝早仲有好多時間trade,  但係因為中間亂左唔識平倉， 所以就點到即止。

930 am 至1100 am 呢段時間如果有份hea 俾我trade 下期指， 都幾開心wow

期指睇電視電影好多人輸身家， 但係有好多trader 都靠大期揾唔少生活費， 我諗真係要自己學多d 出發， 同埋用模擬倉試玩下先。

不過我咩都冇理， 睇左幾日圖， 內心自己模擬買賣， 覺得ok 直接用真錢買賣， 當然第一次買就買錯撞板， 好在唔使交學費， 不過用真錢， 我今日已經摸熟左個操作。 如果模擬mode,  我可能一d 唔上心， 不過呢d 就睇個人。

期待下次返工日揾個地方偷雞再trade