女教師自殺

20-3-2019 (三)

最近最熱之一既新聞, 小學教師疑因校長經常性施壓, 最後不堪壓力在校跳樓身亡, 以死控訴。
睇到呢D 新聞真係好心痛。 我真心為自殺既老師難過, 不斷俾個高層施壓, 日日自己獨自去承受, 喊到眼都腫埋。睇返佢係學校教左23年, 同事都覺得佢做事上心盡責。無奈遇到呢個咁既高層, 一個做開野都係咁做, 又受老師學生愛戴, 突然俾人質疑,仲要病左都俾人追擊。教育工作係佢人生最重要既一部分, 但係俾個咁既阿姐羞辱, 你都咪話唔大打擊。


大人大姐你叫人寫悔過書, 又唔係做錯D 咩事, 仲要開大會係度怒插人, 你呢D人到底個腦裝咩架? 點解可以咁冇同理心, 講到尾都係權大, 欺善怕惡!

我身邊有好多突師朋友, 大家都講開, 遇到呢D 咁既校長, 有D 咩事即刻唔舒服睇醫生, 佢一兇你, 你又去睇醫生,  睇精神科, 佢根本搞唔到你。

點知呢個校長而家就用呢招。你都算狠!  你會有報應架!

對住呢D 咁既校長, 老師們唔好去校董會整咩投訴信啦, 好好利用科技媒體, 將佢既惡行爆出黎, 唔使同佢客氣。

自己千奇唔好質疑自己, 俾人地亂罵都硬食唔緊要, 最重要唔好睇唔開, 因為真係好唔值得。



【女教師自殺】蘋果：李東海小學校長入住精神科病房　疑不堪外界壓力

天水圍東華三院李東海小學女教師林麗棠上周三（6日）在校內墮樓身亡，校長羅婉儀被指在該教師生前在工作上多次施壓，使事主承受巨大壓力。羅婉儀一直沒有公開回應事件，《蘋果日報》今天引述消息指，備受批評的羅婉儀，懷疑不堪壓力，日前到威爾斯親王醫院急症室求診，再被轉介到沙田醫院精神科，目前入住該院精神科病房。

辦學團體東華三院早前也表示未能接觸羅婉儀，羅於上周五（8日）起向校方請假。

《蘋果日報》報道，該報記者今早到過沙田醫院精神科病房擬探望羅校長，病房護士先查問記者是否在病人的探病名單內，該名單只列有羅婉儀的親人名字，其後另一名護士聽到記者是前來探羅婉儀後，即改口稱病房內並無此病人，並着記者離開。病房內有一名方形臉戴眼鏡的中年女病人，戴着口罩半臥在病床上看雜誌，但記者未能確認她是否羅婉儀。

https://thestandnews.com/society/%E5%A5%B3%E6%95%99%E5%B8%AB%E8%87%AA%E6%AE%BA-%E8%98%8B%E6%9E%9C-%E6%9D%8E%E6%9D%B1%E6%B5%B7%E5%B0%8F%E5%AD%B8%E6%A0%A1%E9%95%B7%E5%85%A5%E4%BD%8F%E7%B2%BE%E7%A5%9E%E7%A7%91%E7%97%85%E6%88%BF-%E7%96%91%E4%B8%8D%E5%A0%AA%E5%A4%96%E7%95%8C%E5%A3%93%E5%8A%9B/