大陸買鋪陷阱

27-3-2019❨三❩

話說大陸有好多d 新盤賣， 除左樓之外仲有一d 叫返租鋪位， 好似你買左果間鋪， 發展商承諾每月俾返租金你咁樣， 當佢100 萬人仔一間， 派足15年，俾6%租金你， 每月派租金5000 人仔入你戶口。

係呢d 咁高回報又可以食埋佢既鋪升值既錢， 真係有咁荀既野？

買左方知心里苦。

呢個係好多大陸賣鋪騙局， 好多商場鋪係唔可以分割產權， 佢間開一格格咁賣已經唔合法， 即係你唔會拎到房產証， 即係賣唔出。 再者佢承諾既果d 租好多都係派頭幾個月租金俾你， 然後不了了之。

香港人買左之後收唔到租金， 又拎唔到房產証先知出事。真係要打官司之類去睇吓拎唔拎得返d 錢。

隔山買牛， 都係做下功課先得。 唔了解唔買， 唔熟悉唔買， 唔清楚唔買， 太高回報真係要諗真d 啦。 唔好做下一個苦主。