極度自信既經理

5-11-2019 ❨二❩

黎到新工作環境已經差唔多半年， 已經有兩個經理離職， 呢兩個經理分別做左7年， 同埋做左11年。 呢兩位都係好經理， 大家都可以好直接同佢地講野，問問題揾解決方法。但係最後都係呢度頂唔順走左， 可想而知呢度簡直係殺手工場。

新任經理上場， 自信心爆L 棚果d,  串到爆果d,  覺得自己勁叻勁靚仔果d,  呢種自信over 得黎真係唔係見過下世面既人都頂唔到幾耐。

話說之前佢叫我做d 唔係叫我部門做既野， 我推左佢3 次， 當然我態度都普通咁啦， 佢就發晒火X 我。 我就唔鍾意同人吵，係我做既我一定會做，唔係我做既你迫我做就算係俾你迫到我都唔會甘心。 自此之後佢叫久唔久因一d 問題打電話X 我。

無論講股票，車，讀書，電子產品，政治等等等。 佢都係要最叻， 無論邊個講d 咩佢都第一句對埋去： 錯啦！ 或者 梗係唔係啦！ 之後就繼續講幾百句。 總之無論公事/普通吹水， 佢都要贏， ok,  U win. 

以前果兩個經理帶領， 大家辛苦但係都叫做有d 團隊同少少開心既感覺。 而家office 靜英英， 大家都唔係咁講野。 一股無形既壓力緊張氣氛濃罩住， 電影既形容我叫佢張力， 真係張力十足。

有一次佢係group WhatsApp 我， 關於工作上既問題， 我就即刻去處理， 諗住處理完先覆， 點知隔左差唔一個鐘，佢打俾我插到我飛起， 又話我唔跟進，唔做野之類， 我解釋處理緊唔得閒覆， 之後就插得再冧d.  既然係咁都冇計，唔出聲俾你插飽佢。 但佢唔夠喉， 當日下午叫我入佢房照我， 仲插埋我地成team . 我自己就覺得唔使插埋我d 同事， 一人做事一人當， 而其他部門知道我有跟， 但冇即時通知佢俾佢插足成個鐘覺得我好慘， 其實我又唔係咁諗， 要多謝佢， 令我睇到自應該行邊條路，雖然都唔算清晰， at least 有個想法。

然係到今日， 佢因為寫appraisal 要見我， 當然話我唔ok,  佢唔滿意， 我表現唔好， 又話X 我唔係想我resign/難受， 又叫我檢討，要全力做好果d,  當然我同意，絕對同意我做得唔夠好，可以再好d.  但係呢佢講果d 話就話唔係想我resign/難受，但去到最後又講公司財政緊張cut 人， 要走既話要走得好好睇睇， 要公司係缺少一個人才， 而唔係你欠左公司走。

我自己既feel 就係你擺明就唔妥我， 講白d 要我自己resign,  睇黎我都要plan 下下年搞咩好， 唔係真係唔知點過之後既日子。