內憂慘過外患

2-11-2019 ❨六❩

話說今星期放左兩日假， 我部門黎左個同我同級既同事R, 而個助理W 同佢係呢兩日之間發生左好大問題。 ❨其實我覺得唔係大問題❩

事原W 處理一件突發事處理得唔係咁好，俾人鬧， R 又俾人鬧唔識教人。 之後件事就係W 好兇咁講件事話係人地唔岩， R 知道件事係佢問題大d 就再話佢， 係話唔係鬧， 但係咁就出事， W 呢d 俾強國父母寵愛有加長大，唔受得氣， 就覺得R , 仲有就係連我佢都話我地夾埋。

之後我返工果日， 總經理知道左件事， 朝早已經打電話插左我一鑊， 再插R.

然係下午落黎揾我地問責， 當然插到面目全非。。。。。唔講咁多

問題係總經理話知道有人返工成日做自己嘢， 呢下我個心離一離， 我知道係W 報串。 雖然R 自己私事， 但係佢交到差又冇投訴， 我覺得根本唔係話好大問題，唔通冇野做果時又扮有野做咩。 而W 自己真係係件事有做錯， 但佢唔受教， 仲要做埋d 小動作就真係有點兒。

而家部門已經薑左，好難再行落去。
1 係調走W
1 係我辭工
因為我都頂唔順W, 有時間再講下點解。

! 苦惱！