新助理見工分享

23-5-2019 ❨四❩

新助理係經歷大學畢業做左10 年其他行業，再讀書揾工， 都唔知好事定壞事， 黎到同一個地方同我做同事。初步同佢傾計都係正正路路既人， 希望夾到。

Lunch 時我問佢邊個大佬in 佢， 佢話唔記得， 佢淨係記得好嬲， 因為佢俾我大佬壓價。 佢點解咁嬲， 佢話佢問過晒身邊d 朋友， 所有人既價， 而且市價係咁， 做咩要壓佢價， 佢嬲到拍台， 因為佢都做左咁多年野， 又冇預做呢間公司， 所以兇返我大佬， 仲表明唔係呢個價唔做。

我同其他部門同事係度笑， 因為大家都知我大佬好好人， 但係佢呢個行為係因為HR 既指示。 佢都冇計， 而且公司其實真係等人用。

係新助理既分享下， 我好欣賞佢， 講真我除左之前果份工之外， 真係份份工都俾人壓價。 可能我江湖經驗唔夠， 又可能我真係唔夠料， anyway,  我好想呢份係我最後既工， 做多幾年唔使做❨發下夢都幾開心❩ 。

不過呢度都係辛苦野， 希望新助理挨得到！