純粹記低d 事

29-10-2019 ❨二❩

最近每個月都去飲， 撞返好多老朋友， 大部分都升左做高層。 唯獨有兩個朋友一樣都係未升職。 其中一個金融manager,  佢死都唔肯升assistant director 果d,  就算公司叫佢升都唔升， 上年直頭辭埋份工休息左一年， 岩岩先做返野一個月。 第二位工程師， 又係有得升職做經理都唔升， 話而家努力揾緊海外既工作， 如果請就成家人搬埋過去， 唔想係香港。

右腳傷左差唔多半年， 冇咩做過運動， 雖然好得8899, 但係都係休息埋今年， 等完完全全好返晒先再做運動。 寄望下年可以多d 時間做運動。

老豆既老人痴呆越來越嚴重， 開始連我都唔記得， 而佢又經常性凌晨起身搞呢樣搞果樣， 仲要而家行動已經冇以前咁方便。 有時真係覺得時間過得好快， 我老豆老左好多， 佢咩朋友都冇， 剩係得屋企人， 我其中一個目標係儲一筆錢黎照顧佢， 希望佢人生最後階段過得輕鬆d 尊嚴d , 多d 帶佢去玩。 醫生話老人痴呆會望記過去既事， 但佢地既感受係會記得。 不過大佬啊， 唔好再凌晨吵醒我， 你知我呢d 打工奴隸幾鍾意返工，唔好影響我返工啦， 返工係我係香港覺得自豪既地方。

仲有野煩就係有d 官司問題，今次唔係公事， 而係自己去追返條爛數， 希望不大， 但條氣口順， 煩就煩啦， 希望最後會勝利。