假期後群症

23-4-2019 ❨二❩ 放完4 日假， 今日返工真係爽到冇朋友， 成個人都好攰， 唔係因為放假夜瞓去玩， 而係呢幾日個人既心情放鬆晒， 又突然去返工作mode, 一時黎唔切返轉頭。 另外就係無啦啦口腔生左粒野， 要做手術切左佢， 縫左3 針， 咁又冇左3000 幾。 再加上對腳唔知係咪最近練跑練得太多同埋老左既關係， ACL 位好痛， 有時行都痛。 以上種種都搞到自己有d 意志消沉既感覺， 所以係呢個moment, 我要好好計畫一下之後既投資， 無其他收入既話， 淨係靠份工都幾難搞。 由於自己真係唔係太識投資既野， 都不外乎係 大陸銀行國債， 收息股票 呢兩種。 已經揀左要喪儲錢買呢兩樣資產既路， 唔係話要發大達， 起碼叫做可以錢揾錢。 今年年尾可以收返一張5 年前俾中學同學水左買既基金， 10 萬蚊， 到時拎返d 錢再買收息股。 下年7月還晒一筆3 年期既借貸， 用黎裝修，做手術同埋部分拎左黎投資。 還晒之後再努力儲錢買資產， 同埋到時應該係揾第份工既時候， 想轉工既原因到時又要另外記下， 太攰啦！！！！ 幾時先再有長假期啊？！

2019 第一季

13-3-2019❨日❩

時間真係過得好快， 轉眼間又過左2019 年第一季， 亦係離開上一份工既剛剛一年期。

時間係年青人既本錢， 已經人到中年既自己， 呢一年入面， 事業係完全倒退， 人工減少。 而且屋企負擔重左， 今年兩佬正式退休， 唔係住公屋既關係， 真係冇錢剩。 希望之後會越來越輕鬆！