24-3-2019❨日❩
工餘時間有時義務教d 中學生跑下步， 最近有一個叫阿jer 突然滿腔熱誠跟足我練習， 幾乎一星期見足五日。
除左跑步要破佢學校同聯校d 唔起眼既紀錄之外， 阿Jer 有個目標就係將來做野要揾10 萬蚊一個月。 呢個目標令我覺得佢好有大志， 唔同一般學生， 所謂讀死書果d
阿Jer 同我一樣住公屋， 讀band 3 學校， 屋企唔係冇錢， 讀書就都係好頹果隻。佢突然咁勤力跟我既原因係因為佢之前跟我個隊友練習左一排， 之後係學校橫掃運動會， 拎左好多獎， 而家勁多女仔留意佢， 令佢自high 左。 可惜佢經常放我隊友飛機唔練習， 最後唔知點樣俾我收留左。 我都同佢講如果自己唔負返d 責任， 成日放飛機就以後都唔好跟我地。
除左運動上希望可以幫到佢之外， 我更加希望佢學業同將來出黎做野揾錢都可以俾d 用d 意見佢， 畢竟佢真係世襲左父母d 低層思維❨冇睇唔起既意思，係香港人工時長揾唔多又少時間同個仔相處❩第一步希望教好d 佢只有小學程度既英文。
距離佢既重要比賽仲有6 個月，我已經計畫好所有練習， 希望佢真係有heart 跟足d program, 咁破果d 紀錄完全冇難度。
2019年1月3日 星期四
追夢少年
3-1-2018 ❨四❩
夜晚收工去左運動場， 見返一個以前跟我一齊練習既師弟， 2015 年仲係好多公開賽拎到冠軍， 我覺得佢前途一片光明。 亦都好順利咁做左運動員加教練， 佢係我之前所講好欣賞既年青人之一， 因為佢盡自己全力去追夢。
事隔3年幾，見返佢， 佢話過多一排就會放棄， 因為呢3 年都冇咩突破， 屋企人又唔想佢繼續落去。 雖然佢運動成績始終冇進一步提高， 但我仍然欣賞佢果份堅持， 同時大大力祝福佢， 由學生時期到呢5,6年既努力， 得著係自己既， 亦都冇人可以拎得走， 至少你盡全力去追過自己既夢。
再者， 其實佢而家先係24 歲， 日後仲有好多其他挑戰。
好似阿叔我咁， 回頭望下當日可以既條件下， 其實自己根本冇盡全力去做， 更何況而家既環境。 所以定位都唔同左， 運動係對自己體魄既要求， 同埋努力教年青人， 希望運動可以改變佢地， 令佢地係面對逆境時對抗得到。
呢鋪真係冇力， 要練好d腹肌， 唔係咁凍真係起唔到身返工><
夜晚收工去左運動場， 見返一個以前跟我一齊練習既師弟， 2015 年仲係好多公開賽拎到冠軍， 我覺得佢前途一片光明。 亦都好順利咁做左運動員加教練， 佢係我之前所講好欣賞既年青人之一， 因為佢盡自己全力去追夢。
事隔3年幾，見返佢， 佢話過多一排就會放棄， 因為呢3 年都冇咩突破， 屋企人又唔想佢繼續落去。 雖然佢運動成績始終冇進一步提高， 但我仍然欣賞佢果份堅持， 同時大大力祝福佢， 由學生時期到呢5,6年既努力， 得著係自己既， 亦都冇人可以拎得走， 至少你盡全力去追過自己既夢。
再者， 其實佢而家先係24 歲， 日後仲有好多其他挑戰。
好似阿叔我咁， 回頭望下當日可以既條件下， 其實自己根本冇盡全力去做， 更何況而家既環境。 所以定位都唔同左， 運動係對自己體魄既要求， 同埋努力教年青人， 希望運動可以改變佢地， 令佢地係面對逆境時對抗得到。
呢鋪真係冇力， 要練好d腹肌， 唔係咁凍真係起唔到身返工><
2018年12月4日 星期二
追夢有價
4-12-2018❨二❩
係香港打工真係世界級辛苦， 工餘時間想休息下都難， 莫論想追求自己既夢想。
由細到大都係運動陪我成長， 籃球同跑步。 身邊既運動朋友好多都係港隊級， 自問水平好低， 唔敢比下去。 而佢地去到一個水平後想突破， 往往要比一般人花費更多時間更多努力， 因為香港呢個社會根本唔支持運動員。
大學有唔同科既運動朋友，本身玩開甲組， 佢係神科專業人士果d, 但卻選擇做一個文員， 放工堅持練習， 目標想去亞運， 但係團體運動少不免都要講際遇， 即使爭取到選拔都未必選中你。 佢一個堅持已經7 年了， 我真係唔知佢而家點。
另一d 會選擇做全職運動員， 其實都唔知叫唔叫全職， 因為佢地練完習唔可以休息， 做教練唯持生計。 佢地目標遠大， 目標係達標去奧運， 呢個目標真係好遠大， 雖然機會微乎其微， 但佢地堅持。 我自問係好欣賞佢地既毅力， 因為佢地每日起身都知道自己為左咩奮鬥， 為左目標努力！
而上屆奧運會馬拉松項目， 香港女子長跑運動員姚潔貞就係達標去到參賽， 香港呢個地方係可以培育出奧運既世界級選手。
不過呢d 例子少之有少， 因為香港呢個社會根本容不下追夢既人。 點解， 真係因為窮， 年青人， 真係因為窮啊！！！！ 同我同屆畢業都不知幾多星級運動員， 22 歲畢業， 運動員生涯仲有好多年可以去突破。 但係， 有幾多個係精英運動員 有糧出，有幾多個係屋企有d 家底去support 你去追夢。 現實就係咁， 你贏左個冠軍返黎， d 人實問你有幾錢。 其實香港好多比賽贏左都係冇錢， 最多有幾千蚊， 而絕大部分只係俾coupon加個杯， 完。
咁大個人， 日日去練習唔揾錢， 真係冇出色， 人地邊個邊個專業人士做左幾年野儲到錢買樓啦。 呢d 就係香港人既核心價值。 而佢地承受緊無比既壓力去爭取自己既夢， 仲要係用盡全力。呢種毅力係一種態度既昇華， 你同一般人講都係俾人笑， 因為社會價值觀根本唔值得一提。
香港既父母大多會俾自己小朋友細個學晒所有琴棋書畫， 到頭來周身刀冇張利。 仲要期望自己個小朋友樣樣天下無敵， 讀書叻，運動叻， 入名校， 入大學神科， 畢業做專業人士揾錢。 其實到頭來都係定位係自己仔女揾到幾多錢， 咁不如你一早將佢去學野d 錢儲起佢， 一路投資，錢滾錢， 等佢畢業俾晒佢， 咁佢咪做到你地想佢揾多d 錢既目標， 搞咁多野做乜。 佢地細個學既興趣都唔係自己鍾意， 又唔係有天份， 點解唔可以俾佢地去揀， 點解一定要迫佢地， 到佢地揾到自己興趣， 仲要係好遠大既目標， 點解唔係果陣全力support 佢。 畢業俾幾年， 5年時間佢去嘗試吓， 爭取下唔得咩， 點解要咁膚淺都係講緊儲錢買樓，香港買樓核心容不下追夢既人。
米高佐敦講過：I can accept failure, but I cannot accept not trying!
係香港打工真係世界級辛苦， 工餘時間想休息下都難， 莫論想追求自己既夢想。
由細到大都係運動陪我成長， 籃球同跑步。 身邊既運動朋友好多都係港隊級， 自問水平好低， 唔敢比下去。 而佢地去到一個水平後想突破， 往往要比一般人花費更多時間更多努力， 因為香港呢個社會根本唔支持運動員。
大學有唔同科既運動朋友，本身玩開甲組， 佢係神科專業人士果d, 但卻選擇做一個文員， 放工堅持練習， 目標想去亞運， 但係團體運動少不免都要講際遇， 即使爭取到選拔都未必選中你。 佢一個堅持已經7 年了， 我真係唔知佢而家點。
另一d 會選擇做全職運動員， 其實都唔知叫唔叫全職， 因為佢地練完習唔可以休息， 做教練唯持生計。 佢地目標遠大， 目標係達標去奧運， 呢個目標真係好遠大， 雖然機會微乎其微， 但佢地堅持。 我自問係好欣賞佢地既毅力， 因為佢地每日起身都知道自己為左咩奮鬥， 為左目標努力！
而上屆奧運會馬拉松項目， 香港女子長跑運動員姚潔貞就係達標去到參賽， 香港呢個地方係可以培育出奧運既世界級選手。
不過呢d 例子少之有少， 因為香港呢個社會根本容不下追夢既人。 點解， 真係因為窮， 年青人， 真係因為窮啊！！！！ 同我同屆畢業都不知幾多星級運動員， 22 歲畢業， 運動員生涯仲有好多年可以去突破。 但係， 有幾多個係精英運動員 有糧出，有幾多個係屋企有d 家底去support 你去追夢。 現實就係咁， 你贏左個冠軍返黎， d 人實問你有幾錢。 其實香港好多比賽贏左都係冇錢， 最多有幾千蚊， 而絕大部分只係俾coupon加個杯， 完。
咁大個人， 日日去練習唔揾錢， 真係冇出色， 人地邊個邊個專業人士做左幾年野儲到錢買樓啦。 呢d 就係香港人既核心價值。 而佢地承受緊無比既壓力去爭取自己既夢， 仲要係用盡全力。呢種毅力係一種態度既昇華， 你同一般人講都係俾人笑， 因為社會價值觀根本唔值得一提。
香港既父母大多會俾自己小朋友細個學晒所有琴棋書畫， 到頭來周身刀冇張利。 仲要期望自己個小朋友樣樣天下無敵， 讀書叻，運動叻， 入名校， 入大學神科， 畢業做專業人士揾錢。 其實到頭來都係定位係自己仔女揾到幾多錢， 咁不如你一早將佢去學野d 錢儲起佢， 一路投資，錢滾錢， 等佢畢業俾晒佢， 咁佢咪做到你地想佢揾多d 錢既目標， 搞咁多野做乜。 佢地細個學既興趣都唔係自己鍾意， 又唔係有天份， 點解唔可以俾佢地去揀， 點解一定要迫佢地， 到佢地揾到自己興趣， 仲要係好遠大既目標， 點解唔係果陣全力support 佢。 畢業俾幾年， 5年時間佢去嘗試吓， 爭取下唔得咩， 點解要咁膚淺都係講緊儲錢買樓，香港買樓核心容不下追夢既人。
米高佐敦講過：I can accept failure, but I cannot accept not trying!
2018年8月26日 星期日
2018年8月14日 星期二
減肥keep fit
14-8-2018 ❨二❩
今日打風間中有豪雨， 唔係講玩， 我好想放工去做運動， 好擔心打風搞到自己收工之後做唔到運動， 因為堅接受唔到自己太肥果隻。
好彩準時放工， 跑左一陣步。 而家攰到企係度都瞓著， 早抖！
PS 希望一路keep 運動， 去返高d 水平。
今日打風間中有豪雨， 唔係講玩， 我好想放工去做運動， 好擔心打風搞到自己收工之後做唔到運動， 因為堅接受唔到自己太肥果隻。
好彩準時放工， 跑左一陣步。 而家攰到企係度都瞓著， 早抖！
PS 希望一路keep 運動， 去返高d 水平。
2018年6月19日 星期二
期待星期日
19-6-2018 (二)
雖然一早都有心理準備, 但自己真係唔夠意志同毅力, 一返工就少做運動, 仲點敢諗報比賽。
朝早7 點出門口,夜晚 8 點半左右返到屋企, 照計可以落街輕鬆跑個10K, 但係我的而且確被倦意打敗。一返到屋企就坐低想休息><"
新工作D 同事都算OK, 係好多野做, 不過都夾到。但係佢地做野真係好mi mi more more, 連出去食lunch 又慢條斯理, 返office 都係慢條斯理, 同以往既我一到lunch 就快d 食完快d 休息瞓下覺補眠下, 真係唔好睇少呢個午休, 真係救我一命, 事關每日10 hrs 工作都咪話唔lum, 仲要OT 一兩個鐘, 加加埋埋都12 hrs 一日, 自問真係練唔到習做運動。
所以一定要好好珍惜星期日呢 D 感恩日!!!!!!!
雖然一早都有心理準備, 但自己真係唔夠意志同毅力, 一返工就少做運動, 仲點敢諗報比賽。
朝早7 點出門口,夜晚 8 點半左右返到屋企, 照計可以落街輕鬆跑個10K, 但係我的而且確被倦意打敗。一返到屋企就坐低想休息><"
新工作D 同事都算OK, 係好多野做, 不過都夾到。但係佢地做野真係好mi mi more more, 連出去食lunch 又慢條斯理, 返office 都係慢條斯理, 同以往既我一到lunch 就快d 食完快d 休息瞓下覺補眠下, 真係唔好睇少呢個午休, 真係救我一命, 事關每日10 hrs 工作都咪話唔lum, 仲要OT 一兩個鐘, 加加埋埋都12 hrs 一日, 自問真係練唔到習做運動。
所以一定要好好珍惜星期日呢 D 感恩日!!!!!!!
2018年5月6日 星期日
2018年4月18日 星期三
2018年4月12日 星期四
2018年4月10日 星期二
2018年4月9日 星期一
2018年1月10日 星期三
訂閱：
文章 (Atom)