又過半年

30-6-2020❨二❩

就係咁過左2020年一半， 就係咁過埋國安法。 今日唔知聽日事， 大家都擔心冇左份工，冇收入，既然係咁不如去考警察， 警員2萬5, 督察4萬幾， 薪高糧準福利好， 最正係有特權，高高在上。

打呢d 野我會唔會俾人拉？ 直送大灣區再教育？

呢個時勢真係得錢先係你好朋友，有朋友已經移左民， 有同事揾公司搞緊移民， 又有客講去邊到生活唔係香港。 

我既本錢可以帶全家移民返大灣區， 仲可以日日去我果個朋友間餐廳食早餐，哈哈！

講咁多都係無謂， 2020仲有半年， 繼續向目標進發， 有錢有自由！

新同事辭職

16-6-2020 ❨二❩

新同事返唔夠一個月， 今日resign,  雖然佢冇講咩野， 但係都知知地佢接受唔到而家公司d 野冇人主動跟， d 又亂， 同埋佢之前既公司真係相對上待遇同制度都好好多。

成日係度諗，其實係咪自己on9, 點解咁辛苦仲係個困局度。 對於呢份工既負面情緒由畢業一開始做到而家都冇改變過，依然係咁討厭。

Any肥， 都唔知幾時先有新同事黎幫手， 部門得返我一個， 為左還債同屋企， 頂多陣先啦><

朋友既護士朋友揾唔到男朋友

15-6-2020 ❨一❩

係香港黎講， 做護士既人工可以話係好岩作為另一半一齊供樓。

$31,750 - $51,095

呢個係講緊畢業入政府就31k,  私人醫院當然會多少少。

據我所知護士有ABC 更，我估大致係日頭至夜晚，夜晚至凌晨，晨早至下午。 讀書果時識既朋友讀nursing 到個數據係有約一半女護士係單身不嫁。

呢個朋友既護士朋友好努力咁係佢朋友d 朋友中間揾對象， 奈何都係揾唔到。

呢個現象我有限既思維淨係諗到長工時，不定時工作， 壓力太大， 唔夠人手，工作性質多女性等等。

係呢個咁奴隸既工作模式限制左好多識朋友既機會，因為連休息時間都要爭取既同時， 揾對象仲難上加難。

祝我朋友既朋友好運！

決心唔夠

12-6-2020 ❨五❩

政治動盪，疫症不穩， 整個人日日返住工充滿住鬱悶。 雖然公司都cut 緊人手 ,但我知道我唔會係第一批。 不過咁又點， 我根本唔想繼續打呢份工， 奈何自己又無能為力，又可以話決心唔夠堅定。 如果今次真係被炒或自己辭工， 我希望離開呢行， 如果唔係再做落去我真係會升職同工作需要又讀d on9 course 搞多d 所謂專業， 到時想走既決心仲弱雞。

係呢個moment,  唯有爭取時間瞓覺， 好q 攰啊！

股海浮生

9-6-2020 ❨二❩

話說股票自己都係9買9賣， 之前輸左唔少， 發覺都係要靠本大， 升少少都會見到個威力。

大部分蟹貨電能， 計埋果d 息都係輸好多， 不過都由9 佢，繼續長揸。最後自己就用另一筆血汗錢買d 成交額過千萬至億既股票， 同埋係肯派息既❨不過都可能似匯豐咁突然唔派) 但係想唔蟹又想長揸收息， 先唔理邊隻值得長揸。 我就將d all in 一隻， 佢升到夠凸一兩手， 我放左個本佢，留返果一兩手唔理。而家呢一兩手由於都係賺返黎就由佢長揸， 唔理佢一兩手派得果幾百一千， 講返轉頭就真真正正既錢揾錢， 而且呢d 話知佢跌到點， 絕對唔影響我心情。

目前呢個做法賺左一手中海，兩手建行， 價值約$24000, 我唔會睇少呢$24000, 因為佢會係我瞓住教賺錢既第一步， 每年收息千零蚊， 老左要執幾耐紙皮先揾到千零蚊。

當然呢個做法有佢既風險， 一跌得勁你走唔走， 又strong hold 等返家鄉定點？ 唔q 理啦， 之前都輸唔少。 今年目標係用呢個方法儲夠價值10 萬既股票， 仲有6 個月， 尚差76%

投資真係有好大風險， 唔好亂跟， 自己fact check 下先， 咪on99 死跟人既方法買， 跟人地俾既no.  買。

最後，祝自己好運！

話炒就炒

8-6-2020 ❨一❩

公司冇業績冇Job 大家都睇到， 今日突然之間我個senior 到通知呢幾日執野走， 聽日直接上head office 坐埋果幾日。

呢個上司夾左一季咁上下， 係公司都18 年啦， 話雞就雞， 所以真係唔好同d 公司講乜q 感情。

Btw,  與此同時請左個同我同grade 既新同事， 唔通真係慳果少少人工， 請個平d 既返黎。

都幾灰機， 又要同新同事磨合， 睇情況，都要留意下市況， 都feel 到有機下一個雞既係我。