黑猫白貓

1-9-2019 ❨日❩

無論黑猫又好，白貓又好， 打到人就係好貓。

去唔到旅行

21-8-2019 ❨三❩

由於家人因為証件問題，趕唔切申請， 搞到最後去唔到旅行， 但係又已經請左一星期大假， 真係有少少灰機， 最主要原因係我老豆老人痴呆愈來愈嚴重， 去唔到旅行佢係仲有記憶既情況下相處時間愈來愈少。

反正都請左假， 冇野搞， 唯有一家人返鄉下探親， 呢個假當係hea 住過等自己好好休息下再重新上路。

重投運動

13-8-2019 ❨二❩

由於右腳阿基里傷左， 休息足兩個幾月， 今日終於慢跑左30 min,  攰到爆計， 但總算出一身汗。

係呢段時間真係咩都唔想諗， 做運動做到好攰就瞓覺， 等個腦放空一下。

不能安睡

13-8-2019 ❨二❩

由尋晚睇到新聞直播警察點樣對遊行人士，警察扮示威人士插入遊行人群， 紅衫人打途人， 地鐵站放催淚彈， 到今晚都唔係好瞓得著。

好多朋友都計劃移民， 唔想留係香港。 試問一個唔回應人民既社會點會有好既將來。

以前有d老一輩叫我地好好讀書上大學， 而家就話遊行既人讀書讀壞腦， 就係因為讀書讀得多先至有批判性既思考，你叫人而家點信得過呢個香港社會。係咁矛盾既社會撕裂底下， 香港會點， 真係瞓唔到！

期待假期

 10-8-2019 ❨六❩

真係越做越冇心機， 邊間公司都係會有一堆自己同事搞自己同事， 一係就自己做果d 野推波，一係就無風起浪。

呢個moment 唯有挨過去， 等月尾請假休息下。

冇咩力量><