股海浮生

9-6-2020 ❨二❩

話說股票自己都係9買9賣， 之前輸左唔少， 發覺都係要靠本大， 升少少都會見到個威力。

大部分蟹貨電能， 計埋果d 息都係輸好多， 不過都由9 佢，繼續長揸。最後自己就用另一筆血汗錢買d 成交額過千萬至億既股票， 同埋係肯派息既❨不過都可能似匯豐咁突然唔派) 但係想唔蟹又想長揸收息， 先唔理邊隻值得長揸。 我就將d all in 一隻， 佢升到夠凸一兩手， 我放左個本佢，留返果一兩手唔理。而家呢一兩手由於都係賺返黎就由佢長揸， 唔理佢一兩手派得果幾百一千， 講返轉頭就真真正正既錢揾錢， 而且呢d 話知佢跌到點， 絕對唔影響我心情。

目前呢個做法賺左一手中海，兩手建行， 價值約$24000, 我唔會睇少呢$24000, 因為佢會係我瞓住教賺錢既第一步， 每年收息千零蚊， 老左要執幾耐紙皮先揾到千零蚊。

當然呢個做法有佢既風險， 一跌得勁你走唔走， 又strong hold 等返家鄉定點？ 唔q 理啦， 之前都輸唔少。 今年目標係用呢個方法儲夠價值10 萬既股票， 仲有6 個月， 尚差76%

投資真係有好大風險， 唔好亂跟， 自己fact check 下先， 咪on99 死跟人既方法買， 跟人地俾既no.  買。

最後，祝自己好運！