債後第一次出糧

1-8-2020 ❨3 號風球❩

終於終於都可以見到自己銀行出糧既人工唔再係俾銀行食返一半啦， 黎緊真係要儲多d 投資， 為自己將來既選擇權奮鬥！

雖然係而家呢個疫症期間好多人失業， 用緊儲蓄黎應付日常開支， 所以投資一定要係好似馬拉松咁keep 住， 唔可以中間停， 如果唔係好耐時間先完成一個馬拉松。 而要唔停咁跑完一個馬拉松，只大定期練跑，冇一個快既方法可以唔辛苦練習，然後可以好輕鬆完成馬拉松，仲要個時間係快既。

中間條路係點都好， 目標只有一個就係唔使再為錢而煩惱！

收息紀錄

1-8-2020 ❨3號風球❩

7月收到股息

688 中海 $273.5

939 建行 $616.53

共$889.83

呢個世界太多勁人，呢d 利息雖然唔多，我會好好咁再運用， 佢地都係為我將來可以有選擇既機會。

陣間可以有得揀加錢飲凍飲。

七十個七次

20-7-2020 ❨一❩

馬太福音十八章22節，耶穌說：「我對你說：不是到七次，乃是到七十個七次。」

原諒人唔容易， 仲要原諒人70個7次， 真係要耶穌月佛祖整返場debate 先知佢地邊個大量d

唔好話原諒人， 我自己都原諒唔到自己以往既過錯， 咪話買錯股票， 信錯人， 呢樣果樣都難以釋懷。 對自己愛既人呢， 包括親人朋友愛人， 我老豆老母一生d 錢係就係養大自己d 仔女， 但係好大部分都俾大陸d 親戚所謂借左去， 然後而家退左休仙都唔仙， 但係講返起鬧佢地， 佢地反而話返我。 有時真係好似係我錯咁。

要去唔計較，大人有大量， 先可以做到大事， 不過我都係難d,  對我好對我差既都會記住， 而花時間既當然係俾對我好既人啦。

今日係升市

6-7-2020❨二❩

今日升到要唱Big Bang 既bang bang bang,  奈何我level 夠， 心態唔夠， 急走。

黎個報喜不報憂系列自high 下， 以下就係買既股票， 升夠一兩手就沽走本金， 留返d 賺左既股數， 中間得奧思有6000 蚊係本金， 其他都係賺凸留低既， 粗略估計年收息有3000 幾4000 蚊， 距離今年目標要賺夠10 萬總值既股票仲差33%,  呢個短期目標好重要， 靠呢d 一個一個既短期目標慢慢實現長期目標！

                價           股數      價值
939 建行 6.52      2000 $13040
688 中海 26.95    500 $13475
1161奧思 0.87     20000 $17400
2689九紙 7.93     3000 $23790

       Total   $67705


重倉電能蟹左就由佢💤

終於還晒錢

3-7-2020❨五❩



終於都等到今日， 今日係人生第一筆自己向銀行借既貸款最後一次還款日， 長達3 年既還款期終於都過去， 希望之後有好日子過。

回想起呢3 年入面， 一出糧就有左一半人工， 真係要使得好謹慎， 一個唔小心使凸左就危險。 雖然我預左都幾大既儲備， 唔太擔心， 奈何老豆老母係呢幾年病痛多， 睇下牙咁， d錢倒水咁去。

我幻想緊呢3 年日子係供樓既情況， 如果要我25至30年都係咁過真係唔掂。 要避免呢個情況得幾個， 一係加人工， 一係供樓數目少d,  一係就人工多左供樓錢同時少左❨發夢❩。 最後終於俾我諗到， 唯有唔好買樓， 慢慢儲多d資本資產先。

今時今日咁既時勢冇個錢傍身真係唔得， 衣食住行，著草走佬都講錢， 更何況我自問唔想loop 入自己行業太深， 早plan 早走， 當務之急做住辛苦工睇吓揾唔揾到hea 工。 香港要無敵係 hea 工加+投資+炒股。

我真係好撚鍾意香港。