每日加班8個鐘捱足5年 33歲廚師過勞死

每日加班8個鐘捱足5年 33歲廚師過勞死
17-5-2019

【晴報專訊】加班文化盛行的日本，過勞死問題嚴重，一位33歲廚師早前因長年頻密加班，平均每日加班8小時，高峰期更每月加班300小時，經常通頂「直踩」導致睡眠時間盡失，終因免疫力低下引致急性心肌炎病逝。當局一度否認死者死因與過勞有關，至近日死者妻子上訴至法院成功推翻結果，將可依法獲得賠償。

每日平均加班8小時 不眠不休捱死
據日本《每日新聞》報道，死者自2009年起，於大阪一間獲得米芝蓮推介的法式高級餐廳任職，報道指其工作時間相當長，每日8時上班一路「直踩」，因收舖後又要為翌日做準備功夫，每每加班至凌晨1至2時方可離開，每日平均加班8個小時，每月平均250小時，高峰期甚至達300小時，遠超當局對過勞死標準之每月80小時的加班時數3倍以上。

死者長時間在嚴重加班的情況下工作，甚至多次甫下班踏入家門又再離家上班，超長工時導致死者的免疫力嚴重下降，於2012年11月發現胸口生痛，入院檢查後確診患上急性心肌炎；至2014年6月病情急轉直下，並於同月因心臟衰竭病逝，終年33歲。

妻上訴至法院 終獲判過勞死成立
死者妻子曾向大阪中央勞動基準監督署提出賠償申請，惟署方卻以「死者病情惡化與長工時未有直接關係」為由，拒絕將死者定為過勞死及支付勞災保險賠償，妻子只好經法庭追討。

本月15日，大阪地方法院裁定死者屬過勞死，需向死者家屬發放賠償。死者妻子得悉判決後感高興，表示：「希望可以改善到飲食業工時過長的問題。」其代表律師則認為，法院罕有地承認過分勞動與免疫力低下之間有因果關係，對結果感意外。厚生勞動省則指會就判決內容作檢討，並將與有關機構溝通，討論應對方法。

https://www.ctgoodjobs.hk/news/%E6%AF%8F%E6%97%A5%E5%8A%A0%E7%8F%AD8%E5%80%8B%E9%90%98%E6%8D%B1%E8%B6%B35%E5%B9%B4-33%E6%AD%B2%E5%BB%9A%E5%B8%AB%E9%81%8E%E5%8B%9E%E6%AD%BB/920863606#utm_source=190517_news_ot&utm_medium=fb&utm_campaign=fbpost

調職

20-5-2019 ❨一❩

突如其來既消息， 今星期要調去第度做野， 等上頭通知。

搞到兩位助理心情有d 低落， 我都安慰左好耐， 工作上走黎走去好平常， 不過佢地好似冇唔遇到我呢類同事， 搞到我都有d 不知所措。

新地方冇助理，我自己一個一腳踢， 仲未知係咩情況， 不過當係換個新環境， 識多d 人。

其實都知道奶野架啦， 不過見步行步啦。

夾公仔機騙局

14-5-2019 (二)

投資真係要自己了解多D 做好風險評估先, 要時時警惕自己!

https://hk.news.yahoo.com/%E4%BF%A1%E7%B6%B2%E7%B4%85%E5%85%A5%E5%B1%80%E7%99%BE%E4%BA%BA%E5%94%94%E8%A6%8B%E4%B8%89%E5%8D%83%E8%90%AC-%E6%8A%95%E8%B3%87%E5%A4%BE%E5%A8%83%E6%A9%9F%E6%90%B5%E7%AC%A8%E6%9C%88%E8%B3%BA%E8%90%AC%E5%85%83%E8%AE%8A10%E8%9A%8A-214500654.html

信網紅入局百人唔見三千萬 投資夾娃機搵笨月賺萬元變10蚊

逾百名苦主求助，涉及金額由八萬多至一百六十萬元不等。（李志湧攝）

懷疑夾公仔機投資騙案殺到香港！有政黨近日接獲逾百名市民求助，稱在一名網絡紅人誤導下斥巨額投資「遙距夾公仔機」，原以為每月可得高達萬元回報，豈料最終僅獲發價值十元的冷門虛擬貨幣；而該名網紅事後亦「潛水」失聯，苦主們懷疑受騙報警求助。政黨質疑營辦商涉非法集資，促有關當局介入調查。警方表示接獲四十二人報案，涉及總金額達二千四百萬元，案件列作「求警調查」，暫未有人被捕。

民主黨虛擬貨幣及另類投資苦主求助熱線由去年十一月至今，收到逾一百名年齡介乎二十五至六十歲的市民，就懷疑投資夾公仔機受騙求助，涉及金額由八萬多至一百六十萬元不等，總金額約三千萬元。

手機App遙控夾公仔機運作

苦主稱受一名網紅兼股評人推介，經一間經銷商與涉事公仔機營辦商簽約，以加盟商身份投資夾公仔機，每部價格約八萬五千至十萬元，透過手機應用程式（App）供玩家線上進行「遙距夾公仔」從而獲利。該網紅聲稱，每部公仔機每月收入可達一萬元，以比特幣或現金形式支付給投資者。

惟由去年底程式推出至今，苦主們只收到每月約十元回報，且以另一虛擬貨幣「XPT」繳付，投資者需自行在其他平台轉換成比特幣。苦主A在前年簽約用三十萬元購買三部公仔機，他指因該網紅是公眾人物而降低戒心，加上回報可觀故吸引他投資；不過其後他向營辦商查問公仔機實際位置，及收益詳情等資料時均未獲回覆。苦主B同樣投資三部公仔機，他曾跟隨該網紅投資「挖礦機」有收益，故今次亦不虞有詐，但近日發現收益不似預期，再向該網紅查詢時對方已失聯。兩名苦主至今各自只收到相等於約八十元的XPT幣。

政界促證監會介入跟進調查

民主黨財經政策副發言人袁海文指，此投資項目可能已符合「集體投資計劃」定義，應受證監會監管，促請當局介入跟進。執業律師沈運華就指，該名網紅非簽署合約的任何一方，苦主難向其追究；而合約中亦有「完整合約條款」，即書面合約條款取代一切口頭陳述和協議，故實際收入與聲稱不符亦難以追討。他提醒市民，作出任何投資決定及簽約前，應清楚了解合約條款。

警方回覆本報查詢指，自去年十一月至今共接獲三十二男十女報案，年齡介乎二十五歲至五十歲，指他們向一間公司投資聲稱有高回報的投資項目，惟其後沒有收到預期的回報，懷疑受騙於是報案。案件列作「求警調查」，交由旺角警區重案組跟進，暫未有人被捕。

營辦商：從未承諾回報金額

涉事營辦商表示，公司並非由上述網絡網紅直接或間接持有，又澄清其「網絡娃娃機」特許經營計劃並非集體投資計劃，公司有向加盟商以折扣價出售的遊戲幣代用券，加盟商需自行推廣遊戲，從出售代用券的差價中獲得利潤，公司從未向加盟商承諾回報金額。

營辦商開發線上「遙距夾公仔」手機應用程式吸引投資者以加盟形式簽約購買夾公仔機。（受訪者提供）

投資損失回顧

12-5-2019 ❨日❩

由細到大， 完全冇投資同做生意既概念， 就算讀到大學同朋友炒iPhone 都蝕錢。 所以我都覺得自己唔係會揾大錢果d , 係一個好保守既人。

2012 年畢業之後就進入左星期一至六❨長短週❩朝8晚6 加要ot 既工作地獄， 本身唔大使， 俾家用同屋企d 電煤， 儲到幾千一個月咁。 呢個時候， 我俾同事影響，買左架20 年前係新車既civic,  之後再買架電單車。  咁就當然係儲唔到錢啦， 但我都冇計畫過將來， 依然係做野揾錢養屋企養車。

2013 年尾， 升職啦， 加左人工。 開始儲到多少錢。 由於俾人X 得太多同做野時間太長既關係， 就係度諗， 我點先可以擺脫呢個環境， 當然係冇可能一朝一夕可以搞到， 都仲未開始諗投資。

2014年， 俾舊上司亂X , 忍唔住揾第份工， 加左少少人工跳槽， 果時開始諗投資， 因為有個新同事成日講買樓， 但我自己冇咁多錢玩買樓呢個遊戲。 係一個聚會見返中學同學， 佢做金融投資， 就買左10 萬基金， 亦都係因為佢， 我開始自己投資路。 問題係我真係冇自己去了解， 信晒佢， 結果頭一年已經輸差唔多2 萬， 佢hea 9 我， 又叫我買其他， 我覺得好唔好受， 於是就自己亂咁摸。

2015 年， 啟動返一畢業同同學開既股票戶口， 連點買股票都唔識， 搞左好耐都買唔到， 第二日有多d 時間上網慢慢搞， 係當時52 週低既匯豐65 蚊， 我入左一手， 同埋之後抽左兩手ibond,  仲大盈富/工銀/中銀， 個本8 萬左右。 點知匯豐跌到5x , 我有d 緊張， 都唔知點好， 不過都冇理， 擺左係度。

2016 年 開始有利息收， 有千幾蚊， 我好開心， 原來有d 咁既野。 同埋果時又儲到d 錢， 咁岩又有朋友話投資搞生意， 呢度又蝕左人生一大筆。

2017 借左一筆大錢俾屋企人睇醫生， 裝修， 淨返既拎黎炒股。 輸左10 幾萬 加負債。

2018 又信左個小學同學， 夾左6 萬去投資， 又冇埋。 與此同時淨返既錢我唔拎黎每個月還錢， 決定掉10 零萬俾個fd 搞佢鄉下既食店。

2019 得股票，大陸國債， 大陸食店， 等年尾收返同中同買既10 萬基金錢， 就拎黎還錢。

總括計計
2012 冇投資所以冇蝕
2013 都係冇投資
2014 投資左10 萬基金❨到今年好似升返賺幾千❩
2015 開始買股票， 有d 息收5000 蚊左右
2016 中伏， 冇左人生第一筆儲既資金， 應該有50 萬
2017 冇錢， 唯有借錢， 炒賣股票輸約15 萬， 國債收幾千蚊息
2018 俾人呃左6 萬投資， 淨返最後10 萬俾個大陸fd 開食店， 每月有一千左右收
2019 都係得股票， 大陸國債同大陸食店

呢7 年仲有借左錢俾人， 唔會還架啦， 應該5 萬左右。

7 年總計total loss 暫時係80 萬hkd 左右， 希望呢個係我交完既學費， 所以自己都愈來愈保守， 鍾意國債果d 9成9 贏4.27里息， 對我呢d 人黎講已經好足夠。

投資大陸二/三飲食店

10-5-2019 ❨五❩

雖然係我呢7 年做野揾錢都俾人呃左唔少， 利用左唔少， 自己開頭投資都蝕左好多。 係大陸除左買中國儲蓄債券之外， 因之前工作關係， 上年識到個大陸三線城市既人， 佢想返鄉下開店， 但冇本。

我從心底里信呢個人， 詳細唔講， 由佢做事同放代方面， 於是決定幫一幫佢， 借左剛剛六位數多d 俾佢搞。

佢主要做早餐， 凌晨4 點開檔， 做到朝早11 點左右， 除左新年3 日， 全年無休。 剛剛做左半年， 開始賺錢。

我亦都冇諗過會有d 咩回報， 但竟然有唔錯既回報俾到我， 約20 幾30 % 回報，投資就係咁， 有時要睇你眼光， 同信任， 不過事前要自己了解多d,  我都有去過實地觀察， 睇過ok 先去馬。

佢預計做兩三年， 拎到經驗同賺到錢再打算。 如果到時拎返d 錢, 我都係一炮買落國債， 原因係完全唔使用腦每年4.27%息。

網上圖❨大概係呢d❩