兩老退休

11-1-2019❨五❩

今年開始， 由於老父老人痴呆愈來愈嚴重， 又唔接受外人照顧， 於是上年開始吵叫老媽子唔好做野， 退休照顧佢。

勸老媽子退休都唔係易事， 始終佢係老一輩， 打工打左大半世， 仲有健康身體可以返工揾錢就梗係繼續做啦。 不過我每日都同佢吵要佢照顧老父， 係我耐力折磨底下加俾多d 家用同埋請多d 佢地去旅行既方案下， 再再再加上老父盪失過路， 好辛苦先揾得返。 佢終於心軟上個月辭職。

不過總有不過， 而家屋企既經濟之柱真係係晒我一個身上。
男人三十而立，四十而不惑。 呢句講得好好而且講既人真人寄語深遠。

男人每月人工有30k 先可以係社會立足， 每月人工40k 買野埋單先唔會困惑！