12-5-2019 ❨日❩
由細到大， 完全冇投資同做生意既概念， 就算讀到大學同朋友炒iPhone 都蝕錢。 所以我都覺得自己唔係會揾大錢果d , 係一個好保守既人。
2012 年畢業之後就進入左星期一至六❨長短週❩朝8晚6 加要ot 既工作地獄， 本身唔大使， 俾家用同屋企d 電煤， 儲到幾千一個月咁。 呢個時候， 我俾同事影響，買左架20 年前係新車既civic, 之後再買架電單車。 咁就當然係儲唔到錢啦， 但我都冇計畫過將來， 依然係做野揾錢養屋企養車。
2013 年尾， 升職啦， 加左人工。 開始儲到多少錢。 由於俾人X 得太多同做野時間太長既關係， 就係度諗， 我點先可以擺脫呢個環境， 當然係冇可能一朝一夕可以搞到， 都仲未開始諗投資。
2014年， 俾舊上司亂X , 忍唔住揾第份工， 加左少少人工跳槽， 果時開始諗投資， 因為有個新同事成日講買樓， 但我自己冇咁多錢玩買樓呢個遊戲。 係一個聚會見返中學同學， 佢做金融投資， 就買左10 萬基金， 亦都係因為佢， 我開始自己投資路。 問題係我真係冇自己去了解， 信晒佢， 結果頭一年已經輸差唔多2 萬， 佢hea 9 我， 又叫我買其他， 我覺得好唔好受， 於是就自己亂咁摸。
2015 年， 啟動返一畢業同同學開既股票戶口， 連點買股票都唔識， 搞左好耐都買唔到， 第二日有多d 時間上網慢慢搞， 係當時52 週低既匯豐65 蚊， 我入左一手， 同埋之後抽左兩手ibond, 仲大盈富/工銀/中銀， 個本8 萬左右。 點知匯豐跌到5x , 我有d 緊張， 都唔知點好， 不過都冇理， 擺左係度。
2016 年 開始有利息收， 有千幾蚊， 我好開心， 原來有d 咁既野。 同埋果時又儲到d 錢， 咁岩又有朋友話投資搞生意， 呢度又蝕左人生一大筆。
2017 借左一筆大錢俾屋企人睇醫生， 裝修， 淨返既拎黎炒股。 輸左10 幾萬 加負債。
2018 又信左個小學同學， 夾左6 萬去投資， 又冇埋。 與此同時淨返既錢我唔拎黎每個月還錢， 決定掉10 零萬俾個fd 搞佢鄉下既食店。
2019 得股票，大陸國債， 大陸食店， 等年尾收返同中同買既10 萬基金錢， 就拎黎還錢。
總括計計
2012 冇投資所以冇蝕
2013 都係冇投資
2014 投資左10 萬基金❨到今年好似升返賺幾千❩
2015 開始買股票， 有d 息收5000 蚊左右
2016 中伏， 冇左人生第一筆儲既資金， 應該有50 萬
2017 冇錢， 唯有借錢， 炒賣股票輸約15 萬， 國債收幾千蚊息
2018 俾人呃左6 萬投資， 淨返最後10 萬俾個大陸fd 開食店， 每月有一千左右收
2019 都係得股票， 大陸國債同大陸食店
呢7 年仲有借左錢俾人， 唔會還架啦， 應該5 萬左右。
7 年總計total loss 暫時係80 萬hkd 左右， 希望呢個係我交完既學費， 所以自己都愈來愈保守， 鍾意國債果d 9成9 贏4.27里息， 對我呢d 人黎講已經好足夠。
2019年5月9日 星期四
投資大陸二/三飲食店
10-5-2019 ❨五❩
雖然係我呢7 年做野揾錢都俾人呃左唔少， 利用左唔少， 自己開頭投資都蝕左好多。 係大陸除左買中國儲蓄債券之外， 因之前工作關係， 上年識到個大陸三線城市既人， 佢想返鄉下開店， 但冇本。
我從心底里信呢個人， 詳細唔講， 由佢做事同放代方面， 於是決定幫一幫佢， 借左剛剛六位數多d 俾佢搞。
佢主要做早餐， 凌晨4 點開檔， 做到朝早11 點左右， 除左新年3 日， 全年無休。 剛剛做左半年， 開始賺錢。
我亦都冇諗過會有d 咩回報， 但竟然有唔錯既回報俾到我， 約20 幾30 % 回報，投資就係咁， 有時要睇你眼光， 同信任， 不過事前要自己了解多d, 我都有去過實地觀察， 睇過ok 先去馬。
佢預計做兩三年， 拎到經驗同賺到錢再打算。 如果到時拎返d 錢, 我都係一炮買落國債， 原因係完全唔使用腦每年4.27%息。
雖然係我呢7 年做野揾錢都俾人呃左唔少， 利用左唔少， 自己開頭投資都蝕左好多。 係大陸除左買中國儲蓄債券之外， 因之前工作關係， 上年識到個大陸三線城市既人， 佢想返鄉下開店， 但冇本。
我從心底里信呢個人， 詳細唔講， 由佢做事同放代方面， 於是決定幫一幫佢， 借左剛剛六位數多d 俾佢搞。
佢主要做早餐， 凌晨4 點開檔， 做到朝早11 點左右， 除左新年3 日， 全年無休。 剛剛做左半年， 開始賺錢。
我亦都冇諗過會有d 咩回報， 但竟然有唔錯既回報俾到我， 約20 幾30 % 回報，投資就係咁， 有時要睇你眼光， 同信任， 不過事前要自己了解多d, 我都有去過實地觀察， 睇過ok 先去馬。
佢預計做兩三年， 拎到經驗同賺到錢再打算。 如果到時拎返d 錢, 我都係一炮買落國債， 原因係完全唔使用腦每年4.27%息。
網上圖❨大概係呢d❩
2019年5月7日 星期二
寬己嚴人
7-5-2019 ❨二❩
(講明先呢篇嘢係講自己返教會， 針對入面見到既人， 唔係講宗教問題， 再講多次係針對入面見到既人)
本人因屋企太窮關係， 父母返工冇時間照顧， 有朋友返教會，就叫佢地帶我返教會， 始終導人向善又有人幫手睇住我。
返去都係想有d bbq 活動， 去下行山， 總之就要有得玩， 唔好講信唔信主先。係教會入面我真係遇到好多真係由心而發既好人， 佢地既善良真係令我感受好深， 亦都係因為佢地我先返左10 幾年教會， 即使離開左咁耐， 我仲有同呢d 對我好到不得之了既教友聯絡， 而家做野揾到錢，亦會請佢地食飯， 因為我真係好感恩細個遇到佢地。
只不過， 入面真心對人好既得少數， 我講緊我返果間。
首先講下入面工作既人， 有牧師， 傳道人， 義工， 實習神學生之類。 我好多謝之前俾我係果度幫手做d 輕鬆既工作，俾我可以賺到d 錢去support 我運動上既gear 同報名費， 習訓費等等。
細個係唔會點發現d 問題， 而當我慢慢懂事， 大過仔又有少少自尊既時候， 就開始多問題。 當時我15 歲左右❨我11 歲返教會❩, 有個新傳道人黎左， 而佢老婆正正係牧師。 佢成日同我地講要全心全意事奉教會， 但我發現佢其實係教會揾著數， 點解， 佢讀書係教會俾， 仲要去外國， 咁你係教會做，有人support 你ok 既， 問題係我睇到佢唔係真心信主， 經常有意無意講屋企點點點， 需要費用， 裝修， 需要買車代步， 由於教會少部分好人都真係好有錢， 幾乎佢講果d 要求都有人幫佢俾。 佢仲要係d感謝主賜俾佢以上種種。 最正係搭小巴， 當年架小巴冇8 達通俾， 我行前同佢俾左10 幾蚊， 條友扮冇野唔俾返一星期得100 蚊零用錢既我， 細小心靈既我唔夠膽問佢拎返。係我離開冇返教會之後， 佢太太即係個牧師resign, 推舉佢做教會最大果個❨我唔知係咪都係牧師， 因我離開左❩, 之後有教友提問佢資格同有咩經驗可以帶領教會， 佢就發脾氣鬧教友， 當然最後條友做唔到最大， 大家不歡而散。
打打下先記得， 前任牧師係因為婚外情離開教會。
再黎講下d 係某半政府機構做中高層， 都幾有貨下， 係d 小朋友班教人要善代人， 捨己為人果d, 總之係好L 偉大果d, 佢都話自己係果d 人。 而事實係， 佢分享過係飛機度想要多杯雪糕， 人地話一人一杯， 跟住佢話自己太鍾意食， 係咁大聲投訴， 呢樣果樣， 最後就有啦， 然後再教大家行李過重都用呢招， 佢話都過到。 教人向善， 但又咁對其他人？？？
仲有好多人真係無論自己做錯咩事， 唔岩唔著都好， 都可以推晒俾主， 係佢既安排， 唔關自己事。 讀書唔好， 做野唔好， 咩都唔好， 肥到嘔有病， 等等， 有人返工計錯數收少左錢， 佢返早， 推左落下更果個人度， 佢可以感謝主推一弓俾果個人， 咁果個人又點？
我身邊一齊大既所謂年青人， 基本上冇咩人留係果度， 佢地都聲稱好信主， 有一對男女結埋婚添， 男既結唔夠半年去叫雞俾人發現。 當年仲鬧d 人做妓女， 呢樣唔得果樣唔得。 我仲好記得自己係分享既團聚問過有單其他教會既男仔強姦教友， 十萬人寫求情信去幫個男既， 開頭仲要叫個受害人唔好公開， 咁即係點。 即場俾個傳道人拉走左去一二角， 插我講埋d 咁既野。 咁即係點？
我唔係想講自己道德好高， 起碼我自己光明磊落， 對我好既人我對佢好， 對我唔好既敬而遠之， 同埋唔好有害人既心， at least 我唔會寬己嚴人。 無奈工作上都遇到好多信教但成日亂X 人既人。
(講明先呢篇嘢係講自己返教會， 針對入面見到既人， 唔係講宗教問題， 再講多次係針對入面見到既人)
本人因屋企太窮關係， 父母返工冇時間照顧， 有朋友返教會，就叫佢地帶我返教會， 始終導人向善又有人幫手睇住我。
返去都係想有d bbq 活動， 去下行山， 總之就要有得玩， 唔好講信唔信主先。係教會入面我真係遇到好多真係由心而發既好人， 佢地既善良真係令我感受好深， 亦都係因為佢地我先返左10 幾年教會， 即使離開左咁耐， 我仲有同呢d 對我好到不得之了既教友聯絡， 而家做野揾到錢，亦會請佢地食飯， 因為我真係好感恩細個遇到佢地。
只不過， 入面真心對人好既得少數， 我講緊我返果間。
首先講下入面工作既人， 有牧師， 傳道人， 義工， 實習神學生之類。 我好多謝之前俾我係果度幫手做d 輕鬆既工作，俾我可以賺到d 錢去support 我運動上既gear 同報名費， 習訓費等等。
細個係唔會點發現d 問題， 而當我慢慢懂事， 大過仔又有少少自尊既時候， 就開始多問題。 當時我15 歲左右❨我11 歲返教會❩, 有個新傳道人黎左， 而佢老婆正正係牧師。 佢成日同我地講要全心全意事奉教會， 但我發現佢其實係教會揾著數， 點解， 佢讀書係教會俾， 仲要去外國， 咁你係教會做，有人support 你ok 既， 問題係我睇到佢唔係真心信主， 經常有意無意講屋企點點點， 需要費用， 裝修， 需要買車代步， 由於教會少部分好人都真係好有錢， 幾乎佢講果d 要求都有人幫佢俾。 佢仲要係d感謝主賜俾佢以上種種。 最正係搭小巴， 當年架小巴冇8 達通俾， 我行前同佢俾左10 幾蚊， 條友扮冇野唔俾返一星期得100 蚊零用錢既我， 細小心靈既我唔夠膽問佢拎返。係我離開冇返教會之後， 佢太太即係個牧師resign, 推舉佢做教會最大果個❨我唔知係咪都係牧師， 因我離開左❩, 之後有教友提問佢資格同有咩經驗可以帶領教會， 佢就發脾氣鬧教友， 當然最後條友做唔到最大， 大家不歡而散。
打打下先記得， 前任牧師係因為婚外情離開教會。
再黎講下d 係某半政府機構做中高層， 都幾有貨下， 係d 小朋友班教人要善代人， 捨己為人果d, 總之係好L 偉大果d, 佢都話自己係果d 人。 而事實係， 佢分享過係飛機度想要多杯雪糕， 人地話一人一杯， 跟住佢話自己太鍾意食， 係咁大聲投訴， 呢樣果樣， 最後就有啦， 然後再教大家行李過重都用呢招， 佢話都過到。 教人向善， 但又咁對其他人？？？
仲有好多人真係無論自己做錯咩事， 唔岩唔著都好， 都可以推晒俾主， 係佢既安排， 唔關自己事。 讀書唔好， 做野唔好， 咩都唔好， 肥到嘔有病， 等等， 有人返工計錯數收少左錢， 佢返早， 推左落下更果個人度， 佢可以感謝主推一弓俾果個人， 咁果個人又點？
我身邊一齊大既所謂年青人， 基本上冇咩人留係果度， 佢地都聲稱好信主， 有一對男女結埋婚添， 男既結唔夠半年去叫雞俾人發現。 當年仲鬧d 人做妓女， 呢樣唔得果樣唔得。 我仲好記得自己係分享既團聚問過有單其他教會既男仔強姦教友， 十萬人寫求情信去幫個男既， 開頭仲要叫個受害人唔好公開， 咁即係點。 即場俾個傳道人拉走左去一二角， 插我講埋d 咁既野。 咁即係點？
我唔係想講自己道德好高， 起碼我自己光明磊落， 對我好既人我對佢好， 對我唔好既敬而遠之， 同埋唔好有害人既心， at least 我唔會寬己嚴人。 無奈工作上都遇到好多信教但成日亂X 人既人。
2019年5月5日 星期日
派散水餅被上司狂窒
6-5-2019 ❨一❩
https://www.hk01.com/%E7%86%B1%E7%88%86%E8%A9%B1%E9%A1%8C/325368
派散水餅被上司狂窒「非人所為」 地盤職員爆seed反駁：跟你學
撰文：卓柏安
2019-05-05 20:43
最後更新日期：2019-05-06 12:53
離職轉工是個人選擇，不少人都會在最後一天派「散水餅」，但求好來好去。近日網上流傳數張WhatsApp截圖，有離職者表示感謝同事的照顧，買了數盒散水餅以示謝意，但上司隨即留言，批評他於危急時散水，質問「係人所為？」。結果引發下屬以長文爆seed回應，直斥上司的所作所為，又指不斷有人離職，該上司「功不可沒」，質問他「有冇反省一下點解造成今日呢個局面」，又批評其人格及涵養都很有問題；至於「唔係人所為」的指控，上司才是大宗師，自己只是有樣學樣。帖文獲大批網民激讚，形容極之暢快，說出了許多打工仔心聲。
網上流傳的WhatsApp對話截圖，顯示離職者派散水餅，卻引來上司留言批評。（fb群組「香港兼職散工群組（招聘、求職、請人、搵工）」截圖）
網上流傳的WhatsApp對話截圖，顯示離職者派散水餅，卻引來上司留言批評。（fb群組「香港兼職散工群組（招聘、求職、請人、搵工）」截圖）
網上流傳的WhatsApp對話截圖，顯示離職者派散水餅，卻引來上司留言批評，離職者遂以長文反駁。（fb群組「香港兼職散工群組（招聘、求職、請人、搵工）」截圖）
網上流傳的WhatsApp對話截圖，顯示離職者派散水餅，卻引來上司留言批評，離職者遂以長文反駁。（fb群組「香港兼職散工群組（招聘、求職、請人、搵工）」截圖）
facebook群組「香港兼職散工群組（招聘、求職、請人、搵工）」昨晚有人貼出數張WhatsApp對話截圖，最初一名離職者指自己最後一天在該個地盤工作，「多謝咁多位一直以來嘅教導同照顧，準備咗散水餅畀大家」，又祝同事未來工作順利。
看似最平常不過離職留言，很快就有一名上司回覆，不過他並非祝願下屬有美好前程，反而斥責對方「咩喺地盤危急時候散水，係人所為？」。強硬語氣引來下屬於數小時後以長文反駁。
下屬先來一招「以子之矛、攻子之盾」，指該上司平日教導，「地盤一日未完，每日都應該係危急時間，唔應該咁劃分」，又指過去半年盡力完成龐大的工作量，覺得十分疲憊，惟最近2個月不少人離職，多個職位都招聘不到新人加入，反問上司：「有冇反醒（省）一下點解造成今日呢個局面？」
下屬又指自己在該個地盤已工作5年，「所謂無功都有勞」，看到上司的回應後覺得十分心寒，「本人認為你人格、素質以及涵養都有好大問題，希望你得閒睇多啲書，提升返個人素質及涵養」，直言希望上司不要做沒品德的人，發財要立品，「開始要學下做個社會有用嘅人」，而且上司亦有孩子，要好好教育下一代。
最後，下屬直指上司人格方面「就冇得救㗎啦」，無謂浪費時間及心力，對於上司所指的「唔係人所為」，其實是從其身上學習得來，「你先係大宗師，我呢啲蕃薯仔都係有樣學樣，都係嗰句，多謝你嘅教導」。
下屬連珠炮發，字字珠機，網民大讚痛快，又指該上司於下屬離職時責罵對方，之後被人反寸，「件事好舒壓」。另有人說就算情況再危急，「人哋都係打份工㗎啦，唔係賣命呀」。不過亦有人認為，從WhatsApp對話中不能得知兩人過去和恩怨，所以不宜妄下判斷。
2019年5月2日 星期四
唔使返工既人
2-5-2019❨四❩
香港有偉大既獅子山下不屈不撓既工作奴隸精神，建設香港社會煩榮， 每位返工既都係勇士黎。 不過係我身邊都硬係可以發現到有d 人從來都唔做野， 而且生活過得好好， 雖則唔係大富大貴。
我媽個好細佬， 即係我舅夫， dklm 條粉腸， 係我媽果d 7 兄弟姊妹窮到嘔既家族出黎都可以唔L 使做野。 條友揾老婆，買樓， 飲飲食食都係d 兄弟姊妹俾佢。 我以前細個俾面佢， 到我中學果時已經忍唔住成日X 到佢反艇， 後來仲驚左我， 係其他親戚度話我唔尊重長輩。 呢d L 樣係大陸hea 足一世， 仲以為香港d 錢好易揾， 我日日鬧我媽點解要俾錢佢， 但我媽竟然話我冷血， 我於是日日同我媽黑白天鵝❨日鵝夜鵝❩, 希望佢留返d 錢養老， 唔好俾d 親戚。 真心激氣！
另外有個男同事個家姐， 對佢細佬好好， 由細到大都好愛錫我同事， 後黎傾傾下計， 問佢點解家姐可以成日去旅行， 原來佢唔使返工， 仲要從來冇返工， 佢既收入就係個同事每月做萬幾蚊佢， 佢地屋企唔係有錢， 但係可以咁樣養一個人， 個男同事feel 到有d 壓力， 因為佢唔夠膽同女朋友講， 而且佢仲plan 結婚， Good luck!
最後要講既就係前女下屬男朋友個阿哥， 原本個女下屬同佢男朋友阿哥好好， 後黎知道佢阿哥自出娘胎以黎都冇做過野， 所有支出都係佢男朋友比， 而且佢男朋友每月俾2 萬7 佢阿哥❨佢男朋友都幾有實力❩, 問題黎啦， 女同事話如果第時結婚都係咁俾， 佢唔會結， 而且要結婚前要搞掂呢鑊野， 如果唔係就分手。 話返轉頭， 果個阿哥， 日日係屋企hea, 有時去下佛堂， 得閒就賭馬， 呢d 生活真係夢寐以求。
呢個世界硬係有d 人係幾好命。
訂閱：
文章 (Atom)