期待假期

4-8-2018 ❨六❩

人生就係要不停返工，諗起都驚， 不過做人點都要正面d,  因為人生流流長， 要珍惜假期， 做自己想做既野。

雖然今日返工， 但係都計畫緊月尾同屋企人去旅行。 其實我唔似有d 人咁話工作壓力大， 辛苦啊要去旅行咁樣， 旅行對我黎講我覺得都好攰， 亦冇話去完旅行個人就好正面好有力工作。

而去旅行既主要目的係俾屋企人有相處時間， 同制造多d 開心既共同回憶。 雖然仲未去， 但我已經決定每年請屋企人去一次旅行。 反正我都唔係果d 辛苦儲錢買樓過艱苦生活供樓既人。 唔使講又俾人笑廢青， 冇所謂啦， 人生有幾多時間係自己可以控制， 無理由為左買樓呢d 野困死自己。

快d 假啦唔該！！！！！！ no pay leave,  冇錢都要放！ 好型啊， 型條L 咩， 係好窮啊！