做到有抑鬱

5-8-2018 ❨日❩

At 17 既盧凱彤今朝跳樓終結自己短短32 年既一生， 本人好鍾意佢既歌， 而且佢彈結他既技術了得， 真係深感嘆息。 RIP

而尋晚同朋友打波，中間朋友S 傾計傾傾下佢講佢老婆帶佢去睇左幾次醫生， 原來佢患左抑鬱症。 完全冇諗過佢平時好少講野會同我透露佢有呢個病， 而且佢為人平和又好少表達自己感受， 應該係屋企發生左d 野令佢老婆發覺佢呢個病。

而當中最主要原因係佢份工， 佢話想裸辭， 頂唔順， 得打波開心少少， 基本上9 成時間都係失落。 聽到呢度， 為左份工而人生係咁真係好心酸。

所以我決定搞d 活動去維繫大家友誼之餘又等佢可以有機會舒緩佢既病。

真係damn sad!